Эрүүл үтрээнээс бага хэмжээний ялгадас гардаг. Зарим эмэгтэйчүүд үүнийг мэддэггүй байж болох ч дийлэнх нь “өдөрт нэг халбага, шингэн гадагшлуулдагыг анзаардаг” гэж Пало Алто дахь Стэнфордын Их Сургуулийн Анагаах Ухааны Эмэгтэйчүүдийн эмчилгээний хөтөлбөрийн захирал, анагаах ухааны доктор Лиа Милхайзер хэлсэн байдаг.

Нууцлаг эрхтнээ  эрүүл байлгахын тулд дараах зөвлөмжийг мөрдөөрэй.

Үтрээний PH- балансыг угаалгүйгээр хамгаалаарай

Ердийн үед үтрээний рН нь ойролцоогоор /3.8 – 4.5/ байдаг бол саван болон зориулалтын бус  бүтээгдэхүүнээр угааснаар үтрээний рН-ийн төвшинд нөлөөлж  хүчиллэг орчинг өөрчилж үтрээний бактерийн бүтцийг тасалдуулж, бактерийн халдварын эхлэлийг тавьдаг.

Зөвлөгөө №1

Калифорниа мужийн Санта Моника дахь эмэгтэйчүүдийн эрүүл мэндийн мэргэжилтэн, анагаах ухааны доктор Шерри Росс хэлэхдээ “Үтрээгээ цэвэрлэх нь таны өдөр тутмын эрүүл ахуйн дэглэмийн нэг хэсэг байх ёстой.”

Бэлгийн эрхтнээ хангалттай цэвэрлэхэд халуун ус л хангалттай. Гэсэн хэдий ч  та цэвэрлэж чийгшүүлэх, эсвэл цэвэршүүлэхийг үнэхээр хүсэж байвал хэрэглэж болох бүтээгдэхүүнүүд байдаг.

Хэрэв та өөр бусад хэсгүүдэд зориулж саван, алчуур эсвэл бусад бүтээгдэхүүнд хөрөнгө оруулалт хийдэг бол аль болох зөөлөн бүтэцтэй бүтээгдэхүүн сонгоорой. Хамгийн тохиромжтой нь арьсны эмчийн шинжилгээнд хамрагдсан, харшил өгөхгүй, үнэргүй байх ёстой бөгөөд үтрээний байгалийн үнэрийг хурц сүрчигээр бүү дараарай.

Үтрээний эрүүл мэндэд тохирсон эрүүл хоолны дэглэм гэж юу вэ?

Та үүнийг анзаардаггүй байж болох ч тэнцвэртэй, тэжээллэг хоолны дэглэм барьж, их хэмжээний шингэн уух нь үтрээний болон нөхөн үржихүйн эрүүл мэндийн гол алтан түлхүүр юм. Зарим хоол хүнс нь үтрээний эрүүл мэндийн асуудлыг эмчлэхэд үр дүнтэй байдаг.

Тараг нь мөөгөнцрийн халдвараас урьдчилан сэргийлэх болон  эмчилгээнд  тусалдаг гэвэл та итгэж байна уу? Монголчуудын бидний өргөн хэрэглэдэг  элгэн тарагд ихээр агуулдаг тул хэрэв эмэгтэй та  мөөгөнцрийн халдварт өртөмтгий бол ашигтай бактери уух эсвэл өдөр бүр элгэн тараг идэх нь нэн тустай.

Хэрэв та шээсний замын халдвард өртөмтгий бол 2012 оны 7-р сард Archives of Interior Medicine сэтгүүлд хэвлэгдсэн судалгаагаар өдөр бүр цангис жимс идэх тустай хэмээн нийтлэгдсэн .

Аюулгүй бэлгийн хавьталд орох нь юунаас сэргийлж байдаг вэ?

Бэлгийн харьцаанд орохдоо эрэгтэй, эмэгтэй аль ч төрлийн бэлгэвч хэрэглэх нь ХДХВ, бэлэг эрхтний герпес, тэмбүү, заг хүйтэн, бэлэг эрхтэний үрэвсэл, хламид зэрэг бэлгийн замын халдварт өвчнөөс хамгаалахад тусалдаг. Мөн бусад нь, бэлэг эрхтний үрэвсэл үүсгэдэг хүний ​​папилломавирус (ХПВ) шиг хорт хавдар үүсгэдэг.