Бүсгүй бүр л жирэмслэлтээс хамгаалах аргын талаар мэддэг хэдий ч төлөвлөлтгүй жирэмсэн болох тохиолдол цөөнгүй бий. Тэгэхээр бид бүгд гэр бүл төлөвлөлтийн тухай дурьдах нь зүйтэй болов уу?

“Хэт  эрт биш, хэт орой биш, хэт ойрхон биш”,  Эрүүл мэнд, амьдралын байдалдаа тохируулан төрөлт хоорондын зайг зөв зохицуулах, тохиромжтой насандаа жирэмсэлж, хүссэн үедээ хүүхэд төрүүлэхийг ГЭР БҮЛ ТӨЛӨВЛӨЛТ гэнэ.

Ингээд өөрийн эрүүл мэндэд санаа тавьдаг эмэгтэй таньд жирэмслэлтээс хамгаалах өөрт тохирсон арга хэрэгсэлийг зөв сонгон хэрэглэж гэр бүл, өөрийн эрүүл мэндэд үнэтэй хувь нэмэр оруулаарай.

Төлөвлөөгүй зүйлээс урьдчилан сэргийлж хамгийн зөв алхамыг хийгээрэй.

Жирэмслэлтээс хамгаалах аргууд хэрэгсэлүүд:

1. Жирэмслэлтээс хамгаалах лаа
2. Хуанлийн арга
3. Бэлгэвч               
4. Тариа
5. Суулгац
6. Ерөндөг
7. Эмийн арга
8. Үрийн хоолой боох

Үүнээс онцлон жирэмслэлтээс хамгаалах лааны талаарх мэдээлэлийг дэлгэрэнгүй хүргэж байна. Олон төрлийн жирэмслэлтээс хамгаалах арга хэрэглээд тохирох аргаа олоогүй байгаа бол таньд жирэмслэлтээс хамгаалах үтрээний лаа санал болгож байна. Мөн амаржаад удаагүй, хөхүүл ээжүүд жирэмсэлтээс хамгаалах хамгийн тохиромжтой арга бол үтрээний лаа юм.

• Жирэмслэлтээс хамгаалах эм уух эсвэл умайд ерөндөг тавиулах боломжгүй
• Тогтмол бус жирэмслэлтээс хамгаалах шаардлагатай тохиолдолд
• Жирэмслэлтээс хамгаалах бэлдмэл байнга уудаг хүмүүс завсарлах болон эмээ мартсан үед
• Хүүхэд төрүүлсэний дараа, хөхүүл үед
• Цэвэршилтийн урьдал насны хүмүүс

Уг лаа нь дааврын бус бүтээгдэхүүн юм. Үйлчлэгч бодис нь эр бэлгийн эсийн мембраныг (эхлээд сүүл хэсгийг дараа нь толгой хэсгийг) гэмтээснээр үр тогтоох чадваргүй болгодог. Хамгаалалтгүй бэлгийн хавьтлаар дамжин халдварладаг олон өвчнөөс эмэгтэйчүүдийг хамгаалдаг. Үтрээний хэвийн бичил орчинг өөрчилдөггүй сарын тэмдгийн мөчлөгт нөлөө үзүүлэхгүй.

Бэлгийн замаар дамжих халдваруудын олон төрлийн үүсгэгч тэр дундаа гонококк, хламид, герпес вирусын 2-р хэлбэр, хүний дархлал хомсдолын вирус, үтрээний трихомонад, алтлаг стафиллакоккийн эсрэг үр дүнтэй.