Үс засалтын тренд, хэлбэр загвар тухайн үед олонхийг байлдан дагуулж буй дэлгэцийн уран бүтээл дэх хүмүсийн үс засалттай холбоотой байдаг. Үс засалтын тренд загварууд байнга хувьсан өөрчлөгдөж байдаг ч тэрхүү засалтууд хүн болгонд зохьдоггүй. Энэ нь тухайн хүний нүүрний хэлбэрт үсний хэлбэр, үсний урт богино зэрэг нь тохирохгүй байгаатай холбоотой ба WELLBEE танд нүүрний хэлбэртээ тохирсон үс засалтаа хэрхэн олоход тань тусалж байна.

1. Зууван буюу гонзгой нүүрний хэлбэр
   Хамгийн эхэнд байгаа зураг бол Зууван буюу гонзгой нүүрний хэлбэр юм. Ийм хэлбэрийн нүүртэй танд зохихгүй үсний хэлбэр гэж бараг л байхгүй ба үсээ яаж ч янзалсан танд зохимжтой харагдана. Гэхдээ үсээ хэтэрхий шалчийлгаж урт ургуулах нь нүүрийг урт харагдуулдаг ба энэ төрлийн үсний хэлбэрээс аль болох татгалзахыг хичээж аль болох доорх төрлийн хөвсгөр богино үс засалтаас санаа аваарай.

2. Дөрвөлжин нүүрний хэлбэр
   Хоёрт байгаа нүүрний хэлбэр бол дөрвөлжин хэлбэр бөгөөд энэ хэлбэрт үсний шаталсан засалт, том долгиотой шаталсан урт үс болон бага зэргийн шингэн чёлктой урт хөвсгөр үсний хэлбэр илүү зохьдог байна. Гэхдээ тэгшхэн өтгөн чёлктой засалтаас алт болох татгалзаарай учир нь энэ төрлийн засалт нүүрийг улам дөрвөлжин болгож харагдуулдаг байна.

3. Дугуй нүүрний хэлбэр

Энэ нүүрний хэлбэрт нүүрийг аль болох зууван, урт харагдуулах үсний засалт илүү зохих ба хэт богино эсвэл хэт гөлгөр болгож боох зэргээс татгалзах хэрэгтэй юм. Дугуй хэлбэрийн нүүрэнд бага зэргийн үс урдуураа оруулсан урт шулуун засалт болон үсээ боохдоо мөн адил бага зэргийн үс хоёр талаараа унжуулан сул долгионтой боохыг санал болгож байна.

4. Тэгш өнцөгт нүүрний хэлбэр
   Энэ төрлийн нүүрний хэлбэрт ихэвчлэн чёлктой үс засалт зохидог ба энэ засалт нь нүүрийг илүү жижигхэн эгдүүтэй болгож харагдуулдаг байна. Чёлктой хэдий ч үс нь урт байх уу богинохон байх уу гэх зэргийг дараах зурагнаас харцгаая.

5. Зүрхэн хэлбэртэй нүүр

Энэ төрлийн нүүрний хэлбэр хамгийн эмэгтэйлэг эгдүүтэй төрлийн нүүрний хэлбэр ба ямар ч үсний хэлбэр энэ нүүрэнд зохидог. Гэхдээ үсний урт дундаж мөн хоёр хажуу талаараа бага зэргийн долгио оруулж засуулах нь таныг улам эмэгтэйлэг харагдуулах давуу талтай байдаг.

6. Алмазан хэлбэрийн нүүр

Энэ төрлийн нүүрний хэлбэрт буруу засалт хийлгэвэл хүний царай төрх хурц болж харагддаг ба хэт богино эсвэл хэт гөлийлгөж боосон үс засалтаас аль болох татгалзаарай. Харин танд илүү долгионтой бага зэргийн шингэн чёлктой үс илүү зохимжтой харагдах юм.