Үсний уналт: Үс уналт таны үсийг эрүүл, эрүүл бус байгаа эсэхийг мэдэж болох хамгийн анхны шалгуур юм. Хүний үс өдөрт 70-100 ширхэг унах нь хэвийн гэж үздэг ба хэрвээ та өөрийнхөө үсийг хэвийн уналттай, үгүйг мэдмээр байвал дараах аргыг туршаад үзээрэй. Та өглөө унтаж босоод сэрэнгүүтээ таны дэр болон дэрний эргэн тойронд хэр их үс байгааг хараад мэдэж болох юм. Хэвийн уналттай хүний үс унтаж байхад тэгэж их унаад байдаггүй гэж үздэг ба усанд орж байх явцад ч үс тань багц багцаараа унаад байвал таны үс эрүүл бус байна гэж бодоорой.

Үсний гөлгөр байдал: Та үсээ задгай тавьж байгаад хуруугаа үснийхээ дундуур нь гүйлгээд үзээрэй. Таны үс хуруунд чинь саад болохгүй доошоо гүйж байвал та үнэхээр эрүүл үстэй юм байна гэж бодож болно. Мөн үс чинь энд тэндээ буржийж ширэлдэхгүй байвал мөн эрүүл үсний шинж тэмдэг болох юм.

Хагны хэмжээ: Хаг бол хуйханд үүсдэг томоохон асуудлуудын нэг бөгөөд зарим хүмүүсийн хувьд үнэхээр бэрхшээл болж байдаг зүйл билээ. Хагнаасаа болж хүмүүс маш их сэтгэл санаагаар унадаг бөгөөд хаг бол үндсэндээ хуурай хуйхнаас үүсдэг үхсэн арьсны хэсэг юм. Хаг тухайн хүний сэтгэл санааны байдал болон дааврын өөрчлөлт зэрэгтэй холбоотой байдаг ба дан ганц ахуйн бохирдолт, буруу шампунь ангижруулагчнаас болсон гэж үзэж болохгүй юм.

Үсний салаа: Хүн бүр хэзээ нэгэн цаг үед ялангуяа бүсгүйчүүд үс салаалах асуудалтай тулгарч байсан байх. Гэтэл үс нь яг юунаас болж яагаад салаалаад байгааг тэр бүр мэддэгүй. Үсний үзүүрүүд хатаж хэврэгшин, элэгдэлд орсон цагаас үс салаалах асуудал үүсэж эхэлдэг байна. Мөн цаг агаарын хуурай хүйтэн уур амьсгал, үс хатаагч болон үсний индүү байнга хэрэгэлэх түүнчлэн төрөл бүрийн үсний хими мөн адил үсийг салаалахад нөлөө үзүүлдэг байна. Хэрвээ таны үсэнд салаа үүссэн бол эрүүл байхаа больсон гэсэн үг тул та эртхэн мэргэжлийн хүнээс зөвлөгөө аваарай.

Ширэлдээс: Дээр дурьдсанчлан та үсээ задалж байгаад хуруугаараа үснийхээ дундуур гүйлгээд үзтэл үс тань хэд хэдэн удаа дундаа гацаж, түгжээнд орж байвал үсийг ширэлдээстэй байна гэж үзэх ба энэ нь мөн адил эрүүл бус үсийг илтгэнэ.

Таны үсэнд дээрхи асуудлууд тулгарч байвал амьдралын зөв хэв маягтай амьдарч, зориулалтын үс арчилгааны бүтээгдэхүүн хэрэглэж үсээ аварч эрүүл толигор, гялалзсан байдалд оруулахыг зөвлөе.