Арьс арчилгааны үндсэн зорилго нь нүүрний өнгийг сэргээх, мөн асуудалтай хэсгээ олж шийдвэрлэх эсвэл зөв тийш нь чиглүүлэх явдал юм. Нас ахих тусам хүний арьс өөрчлөгддөг тул хэрэглэж байгаа бүтээгдэхүүнээ ч мөн адил өөрчлөх хэрэгтэй болно. Арьс арчилгааны бүтээгдэхүүний үр дүн нь зөвхөн тогтмол хэрэглэснээр тодорхой цаг хугацааны дараа илэрдэг. Өдөр тутмын арьс арчилгаа нь цэвэрлэх, тонер хэрэглэх буюу арьсыг тэнцвэржүүлэх, чийгшүүлж зөөлрүүлэх гурван үндсэн алхамаас бүрдэнэ.

1. Арьсаа цэвэрлэх

Нүүрээ угаах нь арьс аричлгааны хамгийн энгийн бөгөөд чухал алхам юм. Бидний арьс өдөр бүр хүрээлэн буй орчны бохирдол, тоос шороо болон бусад хүчин зүйлсийн нөлөөнд бохирддог. Нүх сүв бөглөрөх, арьс гундах, батга гарахаас сэргийлэхийн тулд өглөө, оройд өдөрт хоёр удаа угаана. Нүүр цэвэрлэгчээ сонгохдоо өөрийн арьсны онцлогт тохируулан арьсны эрүүл, хэрэгцээт тосыг арилгахгүйгээр арьсыг цэвэрлэнэ. Гуужуулагчийг долоо хоногт нэг удаа хэрэглэж байгаарай.

Тонер хэрэглэх

Тонер буюу цэвэрлэгч шингэн нь арьсанд нэмэлт тэжээл өгч, бусад арьс арчилгааны бүтээгдэхүүнийг илүү сайн шингээхэд тусалдаг бөгөөд арьсны өнгийг тэнцвэржүүлж өгдөг. Тонер нь орц найрлагын хувьд өөр, өөр байдаг ба арьсныхаа асуудал болон арьсны онцлогоосоо хамаарч сонголтоо хийгээрэй.  

Альфа ба бета гидроксидын хүчил нь арьсны нүх сүвийг бөглөж буй үхэжсэн арьсыг арилгаж, наранд гэмтсэн арьсыг эмчилж, арьсыг сэргээдэг.

Гиалуроны хүчил нь арьсны чийгшлийг нэмэгдүүлж, арьсыг толигор болгоно.

Сарнайн ус, ногоон цай нь үрэвслийг намдааж, улайлтыг багасгадаг.

Е, С витамин нь арьсыг хөгшрүүлж болзошгүй чөлөөт радикалуудын өдөр тутмын нөлөөлөлтэй тэмцдэг.

• Чийгшүүлэх

Серум

Серум нь идэвхтэй найрлагатай тунгаас бүрдсэн байдаг ба хар толбо, үрчлээс зэрэг олон асуудлыг хөнгөвчлөх боломжтой. Серум нь найрлагаасаа хамаарч арьсны аль нэг асуудлыг шийдвэрлэж, нөхөн сэргээж байдаг тул сонголтоо хийхээсээ өмнө дараахыг уншаад үзээрэй.

Гиалуроны хүчил нь чийгийг алдахаас сэргийлж чийгшүүлж, арьсыг бэхжүүлнэ.

Витамин С нь тасралтгүй хэрэглэснээр арьсыг гэрэлтүүлж, хар толбо арилгахад тусалдаг.

Ретинол, витамин В3, пептидүүд нь коллаген, эластины нийлэгжилтийг идэвхжүүлж, арьсыг уургаар хангаж, арьс унжихаас сэргийлдэг.

Коллоид хүхэр, ниацинамид нь үрэвслийг намдаах замаар улайлт, цочролыг намдааж, нянгийн эсрэг үйлчилгээтэй батгыг арилгадаг.

Чийгшүүлэгч тос

Чийгшүүлэгч тосны хамгийн үндсэн үүрэг бол арьсыг чийгшүүлж, зөөлрүүлэх ба чийгшүүлэгч тос нь үндсэндээ арьсны гаднах давхаргаар дамжин чийгийг алдахаас сэргийлдэг.

Өдрийн болон шөнийн тос хоёрын ялгаа

Өглөө түрхэх зориулалттай тос нь арьсыг тань хүрээлэн буй орчны нөлөөнөөс хамгаалдаг. Ихэнхи өдрийн тос бохирдлоос үүдэлтэй чөлөөт радикалуудыг багасгадаг антиоксидант болон хэт ягаан туяанаас хамгаалах нарны тосыг агуулдаг.

Харин шөнийн тос нь хар толбыг арилгаж, эсийн эргэлтийг хурдасгадаг ретинол зэргийг найрлагадаа багтаасан арьсны аливаа гэмтэлийг арилгаж, арьсыг сэргээхэд төвлөрсөн байдаг.

Зовхины тос

Нүдний эргэн тойрон дахь арьс нь маш нимгэн, эмзэг байдаг тул бусад хэсгүүдээс илүү арьсыг цочроох найрлагатай бүтээгдэхүүнд хариу үйлдэл үзүүлэх магадлал өндөр байдаг. Тиймээс арьсны эмч нар ихэвчлэн мэдрэмтгий байдлыг харгалзан үздэг, идэвхтэй найрлагад тэсвэртэй концентраци агуулсан зовхины тосыг санал болгодог.

Зовхины арьсны үрэвслийн үед кофеин, пептид, гиалуроны хүчилтэй бүтээгдэхүүн хэрэглэж өгвөл арьсыг тайвшруулж өгдөг. Зовхины доор харлах, хар судлууд тогтвтол С витамин, кожик хүчил, ниацинамид гэх мэт цайруулагч үйлчилгээтэй зовхины тос түрхэж болно. Зовхи болон нүдийг цочроохгүйн тулд хүчтэй ретинол болон үнэртэй бүтээгдэхүүнээс зайлсхийгээрэй.

Нарны тос

Арьс арчилгааны мэргэжилтнүүд санал нэгтэйгээр нарны тос нь арьс арчилгааны хамгийн чухал бүтээгдэхүүн гэж үздэг. Нарнаас хамгаалах тосыг өдөр тутам, тогтмол хэрэглэх нь судсан үрчлээ болон гүн үрчлээс үүсэхээс сэргийлж, нүхжилтээс сэргийлж, үүссэн нүхжилтийг цаг хугацааны явцад илүү томорч өөрчлөгдөхөөс сэргийлдэг. Үүнээс ч илүү зайлшгүй хэрэглэх шалтгаан бол нарнаас хамгаалах тосыг өдөр бүр хэрэглэснээр арьсны зарим хорт хавдар үүсэхээс урьдчилан сэргийлэх болно. SPF 30-аас доошгүй спектртэй нарнаас хамгаалах үйлчилгээтэй өдөр тутмын чийгшүүлэгч тос хэрэглэхийг зөвлөж байна.

Нүүрний маск

Нүүрний маск нь арьсны тодорхой асуудлыг шийдвэрлэх төвлөрсөн эмчилгээ болж өгдөг. Гэхдээ маск нь тоник эсвэл /серум/ ийлдэсээс ялгаатай нь битүүмжилсэн савлагаатай байдаг тул маскан дахь найрлага нь арьсанд илүү үр дүнтэй шингэхэд тусалдаг байна.

Салфеткан маск: Салфеткан маск нь чийгшүүлдэг гол үүрэгтэй. Арьсанд хангалттай хэмжээнд тэжээл өгөхийн тулд савлагаа нь агаар нэвтрэхээс сэргийлсэн байдаг ба богино хугацаанд илүү арьсанд шингэдэг. Маскыг үрэвслийн эсрэг хэрэглэх гэж байгаа бол хөргөгчинд хадгалахыг зөвлөж байна.