Сүүлийн жилүүдэд коллагенийг хоол тэжээлийн нэмэлтээр ихээр хэрэглэх болсон ба шампунь, биеийн тос зэрэг бүтээгдэхүүний орц найрлагад түгээмэл байдаг болсон.
Коллаген гэж чухамдаа юу вэ?
Коллаген бол хүний биед хамгийн их агуулагддаг уураг бөгөөд уургийн найрлагын гуравны нэгийг бүрдүүлдэг. Мөн яс, арьс, булчин, холбогч эд, шөрмөсөнд агуулагдаж байдгаас гадна цус, эвэрлэг бүрхэвч, шүд зэрэг биеийн бусад хэсгүүдэд ч бас оршиж байдаг. Эдгээр бүх зүйлийг нэгтгэж байдаг “цавуу” гэж ойлгож болно. Яг үнэн хэрэгтээ коллаген нь грек хэлнээс гаралтай “kólla” буюу цавуу гэсэн утгатай үг юм.
Коллаген нь хүний биед ямар үүрэг гүйцэтгэдэг вэ?
Хүний биед ойролцоогоор 16 төрлийн коллаген байдаг ба дөрвөн үндсэн төрлүүд нь I, II, III, IV төрлүүд нь юм.
I төрөл: Энэ төрөл нь биеийн коллагены 90% -ийг эзэлдэг бөгөөд арьс, яс, шөрмөс, фиброз мөгөөрс, холбогч эд, шүдний бүтцийг бүрэлдүүлж өгдөг.
II төрөл: Зөөлөн мөгөөрсөн эдэд агуулагддаг бөгөөд үеийг уян хатан байлгадаг.
III төрөл: Энэ төрөл нь булчин, эрхтэн, артерийн бүтцийг дэмждэг.
IV төрөл: Энэ төрөл нь арьсны давхаргад байдаг.
Нас ахих тусам хүний биед коллаген багасаж, чанарын хувьд ч мууддаг. Нүдэнд харагдах шинж тэмдэг нь гэвэл арьс суларч, уян хатан чанараа алддаг. Мөн мөгөөрс нь нас ахих тусам сулардаг байна.
Коллагеныг нэмэгдүүлдэг тэжээллэг бодисууд
Таны бие гликин ба пролин гэсэн хоёр амин хүчлийг нэгтгэн проколлаген үүсгэдэг ба энэ процесст витамин С шаардагддаг байна.
Витамин С: Цитрус, амтат чинжүү, гүзээлзгэнэ зэрэгт их хэмжээгээр агуулагддаг.
Пролин: Өндөгний цагаан, улаан буудайн үр тариа, сүүн бүтээгдэхүүн, байцаа, мөөг зэрэгт их хэмжээгээр агуулагддаг.
Гликин: Гахайн мах, тахианы хальс, желатинд агуулагддаг ба уураг агуулсан янз бүрийн хоолонд байдаг.
Зэс: Мах, кунжутын үр, какао нунтаг, сэвэг зарамд агуулагддаг.
Коллаген нэмэгдүүлэх хоол хүнс хэрэглэхээс гадна коллагеныг багасгадаг зүйлээс зайлсхийх хэрэгтэй.
Элсэн чихэр нь коллагений өөрийгөө засах чадварыг алдагдуулдаг. Нэмсэн элсэн чихэр, цэвэршүүлсэн нүүрс ус хэрэглээг аль болох багасгах хэрэгтэй.
Хэт ягаан туяа нь коллагены нийлэгжилтийг бууруулдаг тул наранд хэт их удаан байхаас зайлсхийх.
Тамхи татах. Тамхи татах нь коллагены нийлэгжилтийг бууруулдаг ба шарх эдгэрэлтийг алдагдуулж, үрчлээтэхэд хүргэдэг.
Коллагений нэмэлт тэжээлийн ашиг тус
Коллагений нэмэлт тэжээл нь том уургийг аль хэдий нь жижиг пептид болгон задалсан байдаг тул биед амархан шингэдэг. Судалгаагаар нэмэлт коллаген нь арьсны бүтэц, булчингийн массыг сайжруулж, остеартрит өвчний өвдөлтийг бууруулахад тусалдаг.
Шингэн хэлбэрийн нэг удаагийн тун нь 3000мг Glowshot нь коллагеныг хурдан нийлэгжүүлнэ.
