ТНОЛЭ / TNOLE №30

Бүтээгдэхүүний дэлгэрэнгүй

Товч тайлбар

Tноле Suprabio^TM Холимог Токотриенол

Tноле SupraBio™ нь бие махбодыг дегенератив өвчин, артерийн судасны гэмтэл, катаракт, эрт хөгшрөлтөд хүргэж болзошгүй чөлөөт радикалуудын хортой нөлөөллөөс хамгаалдаг байгалийн гаралтай холимог токотриенолуудыг агуулдаг.

SupraBio™ нь патентлагдсан бэлдмэл (АНУ-ын патентын дугаар: 6,596,306) бөгөөд токотриенолын шимэгдэлтийг уламжлалт хэлбэртэй нь (токотриенолын тосны ханд) харьцуулахад 200%-300% нэмэгдүүлдэг өвөрмөц эмульсжүүлэх систем юм. Энэхүү шимэгдэлтийн патентлагдсан системийн тусламжтайгаар зөөлөн царцмаган бүрээсийн агууламж нь ходоодонд эмульс үүсгэдэг бөгөөд өөх тос, хоол хүнс хэрэглэхээс үл хамааран токотриенолуудыг цусны сийвэн рүү хурдан бөгөөд тогтвортой шингээж өгдөг.

Орц

Зөөлөн гел бүрд нийт 50 мг холимог Токотриенолын комплексийг (EVNol™) агуулдаг ба дараах зүйлсээс бүрддэг:

Д-альфа-Токотриенол 15.38 мг

Д-гамма-Токотриенол 28.20 мг

Д-делта-Токотриенол 6.42 мг

Д-альфа-Токотриенол 20.00 ОУН

Plant Squanlene 3.29 мг

Фитостеролын комплекс 3.29 мг

Фитокаретинойдын комплекс 90.00 мкг

Хэрэглэх заавар

Эмчийн зааврын дагуу эсвэл өдөрт нэг ширхэгээр 1-2 удаа хоолны дараа ууна.

Онцлог

Токотриенолын бүлийн альфа, бетта, гамма, дельта гэсэн 4 хэлбэр нь гиперхолестринеми, цус бүлэгнэлтийн эсрэг, антиоксидант, дархлаа дэмжих, хавдрын эсрэг үйлдэл үзүүлдэг.

Токотриенол нь ХМГ-КоA (гидроксиметилглутарил - коэнзим А) редуктаза ферментийг дарангуйлж, холестерины хэмжээг бууруулдаг. Мөн токотриенол нь каспаз хамааралт эсийн апоптозыг өдөөх, эсийн мөчлөгийг саатуулах дохио дамжуулах замаар хавдрын эсийн өсөлтийг дарангуйлдаг.

Мөн энэ бодис нь судасны эндотелийн өсөлтийн хүчин зүйлийн рецепторыг саатуулах болон хавдрын эсээс үүсэлтэй шинэ судас үүсэлтийг дарангуйлах замаар шинээр судас үүсэлтийг бууруулдаг.

Түүнчлэн, дегенератив өвчин, артерийн судасны гэмтэл, катаракт болон эсийн гэмтэл үүсгэх эрсдэлтэй чөлөөт радикал үүсэхээс сэргийлж, липидийн хэт исэлдэлтийг дарангуйлж, улмаар ДНХ гэмтээхээс сэргийлдэг.

Тархины харвалттай холбоотой үүссэн тархины цусны урсгалын саатлын үед тархинд их хэмжээний глутамат ялгардаг. Глутамат нь нейротрансмиттер бөгөөд бага хэмжээгээр чөлөөлөгдөх үедээ суралцах болон санах ойд чухал үүрэг гүйцэтгэдэг. Харин их хэмжээгээр ялгарсан үедээ мэдрэлийн эсийг үхүүлэх дараалсан хариу урвалыг өдөөдөг. Глутаматын өсөлтийн үед цитозолын кальци хамааралт фосфолипаза А2 фермент идэвхижиж, арахидоны хүчил их хэмжээгээр үүсдэг ба энэ нь үрэвслийн процессыг дэмждэг төдийгүй цус харвалтын дараах мэдрэлийн эсийг гэмтээх хүчин зүйл болдог.

Токотриенол нь дан глутаматад өртсөн эстэй харьцуулахад арахидоны хүчлийн ялгаралтыг 60%-р бууруулдаг. Глутамат хамааралт мэдрэлийн эсийн сөнөрөлийн үед токотриенол өгөх нь эсийн амьд үлдэх магадлалыг 4 дахин ихэсгэсэн байна.

Фармакокинетик

SupraBio™ нь патентлагдсан систем:

Хэрэглэгчдэд токотриенолын шимэгдэлтийг сайжруулах зорилгоор патентлагдсан системийг зохион бүтээсэн. Үүнийг уламжлалт хэлбэртэй нь харьцуулахад эмийн шимэгдэлтийг 200-300% ихэсгэсэн байна.

Токотриенолын биохүртэхүй нь 2-4 цаг нг мл^-1-ын хооронд хэлбэлзэж, сийвэнгийн дээд концентраци нь 2.5-3.3 нг мл^-1 байна.

Системийн өмнөх элиминацийн дараа, хагас ялгарлын хугацаа нь 5-6 цаг, системийн клиренс нь 24 цаг үргэлжилдэг.

Патентлагдсан шимэгдэлтийн системийн тусламжтайгаар зөөлөн царцмаган бүрээсийн агууламж нь ходоодонд эмульс үүсгэдэг бөгөөд өөх тос, хоол хүнс хэрэглэхээс үл хамааран токотриенолуудыг цусны сийвэн рүү хурдан бөгөөд тогтвортой шингээж өгдөг.

Ерөнхийдөө, токотриенолын шингээлтийг сайжруулах патентлагдсан систем нь хоол боловсруулах замд эмульс үүсгэдэг сурфактант болон тосноос тогтсон оновчтой хослол юм.

Энэхүү эмульс хэлбэр нь амархан шимэгддэг бөгөөд токотриенолыг цус руу хурдан зөөвөрлөгдөх боломжийг олгодог.

Харьцангуй эрүүл хүмүүст хийсэн эмнэлзүйн судалгаагаар SupraBio™ систем нь токотриенолын хэлбэрүүдийн шимэгдэлтийг энгийн токотриенолын хандтай харьцуулахад 300% (дунджаар 250%) нэмэгдүүлдэг болохыг баталсан.

Тархалтын судалгаа

Шим тэжээл судлалын (2012) сэтгүүлд нийтлэгдсэн судалгаагаар SupraBio™ систем бүхий токотриенол нь биед үр дүнтэй шимэгдэж, амин чухал эрхтэнүүд болох тархи, элэг, зүрхэнд, мөн ​​арьс ба өөхний эдүүдэд хуримтлагддаг тухай дурджээ.

Токотриенолын эх үүсвэр: 

Витамин Е нь ихэнхи ургамал, үрийн тосонд байдаг ч зөвхөн далдуу (Elaeis guineensis) -ны жимснээс гаргаж авсан тос нь токотриенолын хамгийн баялаг эх үүсвэр юм (800 мг/ кг хүртэл).

 

Дараах хүмүүс хэрэглэхэд тохиромжтой

·       Тархины цус харвалт, зүрх судасны өвчнөөр өвчлөх эрсдэл өндөртэй хүмүүс:

-       Артерийн даралт ихсэх өвчин

-       Чихрийн шижин

-       Цусан дахь холестерины түвшин их

-       Таргалалт/ илүүдэл жинтэй

-       Тамхи татдаг хүмүүс

-       Гэр бүлд цус харвалтын өгүүлэмжтэй

·       Тархины цус харвалтын дараах – дахилтаас сэргийлж, эдгэрэлтийг түргэсгэхэд

·       Альцгеймер эсвэл тэнэгрэл – гэр бүлийн өгүүлэмжтэй

·       Ой тогтоолт, тархины үйл ажиллагааг хамгаалах зорилгоор

·       Элэгний өөхлөлт, элэгний үйл ажиллагаа алдагдсан үед.

·       Эрэгтэй, эмэгтэйд үргүйдэл.

·       Хэт исэлдэлтийн стресс хүчин зүйлтэй иргэдэд

·       Арьс хэт хуурай, хайрст өвчнүүд

·       Гепатит В эмгэгтэй

Хадгалалт

30°С-аас доош хэмд хадгална.

Чийглэг, гэрэлтэй газар хадгалахгүй. 

Жирэмсэн ба хөхүүл үеийн хэрэглээ

Жирэмсэн

Жирэмсэн үеийн хэрэглээний талаар эмнэлзүйн мэдээлэл байхгүй байна. Амьтанд хийсэн судалгаагаар жирэмслэлт, үр хөврөл болон ургийн хөгжил, төрөлт, төрсний дараах үеийн хөгжилд шууд болон шууд бус сөрөг нөлөө үзүүлээгүй.

Жирэмсэн эмэгтэйчүүдэд эмийг зөвлөхдөө болгоомжлох нь зүйтэй.

Хөхүүл үе

Хөхний сүүгээр ялгардаг эсэх нь тодорхойгүй байна. Амьтан дээр хийсэн судалгаа байхгүй. Хөхөөр хооллохыг үргэлжлүүлэх эсвэл зогсоох, Tноле эмчилгээг үргэлжлүүлэх эсвэл зогсоох эсэхийг шийдэхдээ эх урагт үзүүлэх Тноле эмийн үр нөлөөг эрсдэлийг сайар тооцох хэрэгтэй.

Гаж нөлөө

Токотриенолыг санал болгосон тунгаар хэрэглэхэд ихэвчлэн гаж нөлөө үүсгэдэггүй. Гэхдээ витамин Е-г өндөр тунгаар удаан хугацаагаар хэрэглэвэл дараах гаж нөлөөнүүд илэрч болно. Үүнд: дотор муухайрах, суулгах, гэдэс базлах, ядрах, толгой эргэх, хараа муудах, толгой өвдөх. Хэрэв эдгээр шинж тэмдгүүд удаан хугацаагаар үргэлжлэх эсвэл дордвол эмч, эм зүйчдээ яаралтай мэдэгдээрэй. Эмчилгээний явцад хамгийн түгээмэл тохиолддог гаж нөлөө нь суулгалт юм.

Аюулгүй байдал / Тунг хэтрүүлэн хэрэглэх

Хор судлалын болон фармакологийн судалгаагаар далдуу модны токотриенолыг биеийн жинд 2500 мг/кг хүртэл тунгаар хэрэглэхэд аюулгүй байв. Тунг хэтрүүлсэн тохиолдолд зохих шинж тэмдгийн эмчилгээг санал болгоно.

Анхааруулга

Токотриенолыг хэрэглэхийн өмнө уг эмийн бодист харшилтай бол, найрлагад орсон бусад бодист харшилтай бол, эсвэл өөр харшилтай бол эмч, эм зүйчдээ хэлнэ үү.

Хэрэв эрүүл мэндийн өөр ямар нэг асуудалтай (цус бүлэгнэлтийн болон цус алдалтын эмгэг, бөөрний эмгэг, элэгний эмгэг, цусан дах өөхний хүчлийн хэмжээ ихсэх, мэс засал хийлгэсэн, хийлгэхээр төлөвлөж байгаа) бол эмийн бодисыг хэрэглэхийн өмнө эмч, эм зүйчтэйгээ ярилцаарай.

Жирэмсэн үед энэ эмийг зөвхөн шаардлагатай үед л хэрэглэнэ. Эрсдэл, ашиг тусын талаар эмчтэйгээ ярилцаарай.

Энэ эм нь хөхний сүүгээр ялгардаг эсэх нь тодохойгүй байна.  Хэрэглэхийн өмнө эмчтэйгээ ярилцаарай.